ཀྲུང་གོ་བོད་ཀྱི་དྲ་བ།

བོད་ལྗོངས་སྤོ་བོ་རྫོང་ཁོངས་ནས་གནའ་བོའི་བང་སོ་13རྙེད་པ།

  རྩོམ་པ་པོ། : མི་དམངས་དྲ་བ།   སྤེལ་དུས། : 2017-04-10
ཡིག་གཟུགས། :ཆུང་། འབྲིང་། ཆེ།

     ཟླ་4ཚེས་5ཉིན་གནས་ཚུལ་འབྱོར་གསལ། ཉེ་ཆར། བོད་ལྗོངས་ཉིང་ཁྲི་གྲོང་ཁྱེར་སྤོ་བོ་རྫོང་ཁོངས་ནས་ལོ་ངོ་2700ལྷག་ཙམ་གྱི་ལོ་རྒྱུས་ལྡན་པའི་རྡོ་གཡམ་བང་སོ་13གསར་དུ་རྙེད་པ་དེ་བོད་ཀྱི་གནའ་བོའི་དུར་འཇུག་རིག་གནས་དང་ཡུལ་གོམས་གཤིས་ལུགས་ལ་ཞིབ་འཇུག་བྱེད་རྒྱུའི་ངོས་ནས་བརྗོད་ཚེ་དོན་སྙིང་གལ་ཆེན་ལྡན་ཡོད་ལ། ཡིག་ཐོག་ཟིན་ཐོ་མེད་པའི་སྐབས་ཀྱི་མིའི་རིགས་འཕེལ་རྒྱས་བྱུང་ཚུལ་ལ་ཤེས་རྟོགས་དང་ཞིབ་འཇུག་བྱེད་རྒྱུར་གཞི་འཛིན་ས་ཁུངས་བཙན་ཞིག་མཁོ་འདོན་བྱས་ཡོད།

1.jpg

     བོད་རང་སྐྱོང་ལྗོངས་རིག་དངོས་སྲུང་སྐྱོབ་ཞིབ་འཇུག་སུའོ་ནས་ཤེས་རྟོགས་བྱས་པར་གཞིགས་ན། ཨ་སྒང་རོང་བང་སོ་སྤོ་བོ་རྫོང་ཆུ་མདོ་གྲོང་རྡལ་དུ་གནས་ཡོད་ཅིང་། ན་ནིང་ལོ་མཇུག་ཏུ་གནའ་རྫས་རྟོག་ཞིབ་མི་སྣས་སྔོག་འདོན་བྱས་པའི་བང་སོ་13ནང་ནས་11ནི་ཅུང་དཔེ་མཚོན་ཅན་གྱི་རྡོ་གཡམ་བང་སོ་ཡིན་ལ། 2ནི་རྡོ་སྐྱོར་བང་སོ་ཡིན་པ་རེད། བང་སོ་ནས་ཐོན་པའི་མིའི་རུས་པར་བརྟག་ཞིབ་བྱས་པའི་གྲངས་གཞིར་གཞིགས་ན། ད་བར་ལོ་1800ནས་2700བར་གྱི་ལོ་རྒྱུས་ཡོད་པ་དང་། དེའི་ཁྲོད་ལོ་གྲངས་སྔ་ཤོས་ནི་སྤྱི་ལོའི་སྔོན་གྱི་ལོ་750ནས་སྤྱི་ལོའི་སྔོན་གྱི་ལོ་405བར་ཡིན་པ་རེད།

2.jpg

     བོད་རང་སྐྱོང་ལྗོངས་རིག་དངོས་སྲུང་སྐྱོབ་ཞིབ་འཇུག་སུའོ་ཡི་ཞིབ་འཇུག་པ་གཞོན་པ་ཤར་རྒན་དབང་འདུས་ཀྱིས་ངོ་སྤྲོད་བྱས་པར། བང་སོ་གཉིས་ཀྱི་ནང་ནས་ཅུང་ཆ་ཚང་བའི་མིའི་རུས་སྒྲོམ་ཁག་2གཙང་སེལ་བྱས་པ་དང་། བང་སོ་9ཡི་ནང་མིའི་རུས་པ་ཉུང་ཤས་དུར་འཇུག་བྱས་ཡོད། བང་སོའི་ནང་ད་དུང་རྫ་ཆས་དང་། རྡོ་ཆས། ལྕགས་རིགས་སོགས་ཡོད་པའི་ཁྲོད་ཆ་ཚང་བའི་རྫ་ཆས་ཁག་8དང་། རྡར་རྡོ་1 ལིའི་མདའ་ལྕགས་3 དེ་བཞིན་ལྕགས་རོ་ཁག་གཅིག་ཐོན་ཡོད།

3.jpg



རྩོམ་སྒྲིག་པ། : རིག་འཛིན་ཚེ་རིང་།