ཀྲུང་གོ་བོད་ཀྱི་དྲ་བ།

ཨ་རིའི་སྨན་པས་སྐྲན་ནད་ནི་བརྩེ་བ་ལ་སྐྲག་པ་བསྟན།

    སྤེལ་དུས། : 2016-08-17
ཡིག་གཟུགས། :ཆུང་། འབྲིང་། ཆེ།

       
 འབུམ་རམས་པ་ཏ་ཝེ་ཧོར་ཅིན་སི་ནི་ཨ་རིའི་སྨན་པ་ཞིག་ཡིན་ཞིང་མིང་ཨ་རིར་མིང་གྲགས་ཤིན་ཏུ་ཆེ་ལ། ཁོང་གིས་འཛམ་གླིང་ས་ཕྱོགས་སོ་སོ་ནས་ཕེབས་པའི་ནད་པ་མང་པོར་སྨན་བཅོས་བྱས་མྱོང་བ་དང་། ཁོང་གིས་ནད་པ་གང་དེ་མིག་གིས་མཐོང་མ་ཐག་ནད་ཕོག་པའི་རྒྱུ་རྐྱེན་ཤེས་རྟོགས་ཐུབ་པར་བཤད་ཅིང་། དེ་ཡང་ཁོང་གི་དགོངས་ཚུལ་ལྟར་ན། ནད་པ་མང་ཆེ་བའི་ལུས་སྟེང་ནས་བརྩེ་བ་དང་འབྲེལ་བའི་ཡིག་འབྲུ་གཅིག་ཀྱང་རྙེད་མི་ཐུབ་ཅིང་། ཡོད་ཚད་ནི་སྡུག་བསྔལ་དང་ཞེ་སྡང་། ཡིད་ཕམ་གྱིས་ཁེངས་ཡོད་པ་སྟེ།  མི་ཕལ་མོ་ཆེ་ནད་ཀྱིས་མནར་བའི་རྒྱུ་རྐྱེན་ནི་སྡུག་བསྔལ་དང་ཡིད་ཕམ་ཁོ་ན་ལས་བརྩེ་བ་མེད་པའི་ཕྱིར་ཡིན་ཞིང་། འདར་འགུལ་ཚད་(振动频率)༢༠༠ལས་དམའ་བ་ཡིན་ན་ནད་འབྱུང་སླ་བ་བསྟན་པ་དང་། འདར་འགུལ་ཚད་ནི་མི་རྣམས་ཀྱིས་རྒྱུན་དུ་གླེང་བའི་སྡུད་ར་(磁场)ཞེས་པ་དེ་རེད།
    IMG_0871.JPG    

   ཧོར་ཅིན་སིས་བཤད་པ་ལྟར་ན། ནད་ཕོག་པའི་མི་ཐམས་ཅད་ལ་སེམས་སྡུག་པོ་ཡོད་པ་དང་། གལ་སྲིད་མིའི་འདར་འགུལ་ཚད་ནི་༢༠༠ལས་མཐོ་བ་ཡིན་ན་ནད་འབྱུང་མི་སྲིད་ཅིང་། ནད་ཕོག་ཡོད་པའི་མི་དེའི་རིགས་ཀྱི་འདར་འགུལ་ཚད་ནི་རྟག་ཏུ་༢༠༠ལས་དམའ་བ་ཡོད་པ་རེད། འོ་ན་བསམ་ཚུལ་རིགས་གང་དག་གི་འདར་འགུལ་ཚད་ནི་༢༠༠ལས་དམའ་བ་ཡོད་དམ་ཞེ་ན། འཁང་ར་དང་ལེ་བདའ་བྱེད་རྒྱུར་དགའ་བ་དང་ཞེ་སྡང་སྐྱེ་སླ་བའི་མི་དེ་རིགས་ཡིན་ཞིང་། དེ་དག་གི་འདར་འགུལ་ཚད་སུམ་ཅུ་བཞི་བཅུ་ཙམ་མ་གཏོགས་མེད་པ་དང་མི་གཞན་པར་སྡིག་དམོད་བྱེད་པའི་གོ་རིམ་ཁྲོད་དུ་རང་ཉིད་ཀྱི་ནུས་ཚད་མང་པོ་ཞིག་ཟད་གྲོན་བྱེད་བཞིན་ཡོད་པར་བརྟེན་འདར་འགུལ་ཚད་༢༠༠ལས་དམའ་བའི་མི་དེ་རིགས་ལ་ནད་རིགས་སྣ་ཚོགས་འགོ་སླ་བ་རེད།

IMG_0872.JPG   

འདར་འགུལ་སྟོན་གྲངས་ཆེས་མཐོ་ཤོས་ནི་༡༠༠༠དང་ཆེས་དམའ་བ་ནི་༡ཡིན་ལ། ཧོར་ཅིན་སི་ཡིས་བཤད་པ་ལྟར་ན། ཁོང་གིས་མཐོང་མྱོང་བའི་འཛམ་གླིང་གི་འདར་འགུལ་ཚད་ཆེས་མཐོ་ཤོས་ནི་༧༠༠ཡིན་ཞིང་དེའི་ནུས་ཚད་ཧ་ཅང་མང་པོ་འདུག་ཅེས་དང་། མི་དེའི་རིགས་སླེབས་ཡོང་དུས་ས་ཆ་ཞིག་གི་སྡུད་རར་ཤུགས་རྐྱེན་ཐོན་ཐུབ་ཀྱི་ཡོད། ནོ་པེལ་ཞི་བདེའི་གཟེངས་རྟགས་ཐོབ་མྱོང་བའི་དགེ་སྒྲུབ་མ་ཐི་རིས་སཱ་གཟེངས་བསྟོད་ཚོགས་རར་ཕེབས་ཡོང་དུས། ཚོགས་རའི་སྣང་ཚུལ་ཤིན་ཏུ་ལེགས་ཤིང་འདར་འགུལ་ཚད་ཤིན་ཏུ་མཐོ་ལ། ཁོང་གི་སྡུད་རས་ཚོགས་མི་ཡོངས་ལ་ཁོང་གི་ནུས་ཚད་མྱོང་དུ་བཅུག་སྟེ་ཡིད་འོང་དང་སེམས་འགུལ་གྱིས་ཁེངས་ཡོད་ཅེས་བརྗོད་ཀྱི་འདུག

རྩོམ་སྒྲིག་པ། : རིག་འཛིན་ཚེ་རིང་།